Category: Մաթեմատիկա
Լրացուցիչ աշխատանք
- Հաշվիր քառակուսու մակերեսը՝ գիտենալով, որ պարագիծը 32սմ է:
- Հաշվիր 250:5+231*5 արտահայտության արժեքը:
- Երկու փաթեթում կա ընդամենը 250մ լար:Քանի՞ մետր է երկրորդ փաթեթի երկարությունը, եթե առաջին փաթեթը 10մ-ով կարճ է երկրորդից:
- Զբոսաշրջիկը երկրորդ օրն անցել է 124կմ ճանապարհ, որը 2 անգամ ավելի է առաջին օրվա անցած ճանապարհից: Որքա՞ն ճանապարհ է անցել նա երկու օրում:
- Ուղղանկյան լայնությունը 6սմ է, իսկ մակերեսը 48սմ² : Հաշվիր այդ ուղղանկյան պարագիծը:
2020-2021 թթ. ուս. տարվա «Մաթեմատիկա» առարկայի 4-րդ դասարանի ծրագիր
«Մխիթար Սեբաստացի» կրթահամալիր
Ուսումնական ծրագիր 4-րդ դասարաններ
Դասավանդման նպատակները՝
1.Սովորողի մոտ ձևավորել և զարգացնել
- Տրամաբանական մտածողություն
- Գործնական իրադրություններում կիրառելու կարողություններ դիտարկելու, կռահելու, եզրակացություններ անելու կարողություններ
- Խմբում աշխատելու կարողություններ
- Ուշադրություն, հիշողություն, աշխատասիրություն, հանդուրժողականություն, նպատակասլացություն, համբերություն
- Վստահություն սեփական ուժերի նկատմամբ
- Ձևավորել ինքնուրույն աշխատելու, համաձայնության գալու կուլտուրա
2. Ուսումնական միջավայրը
Կապված համաճարակային իրավիճակի հետ՝ դպրոցին պատկանող հարակից տարածք, որը նախապես հարմարեցված է դասապրոցես իրականացնելու պայմաններին: Անբարենպաստ պայմանների դեպքում՝ ուսումնական կաբինետ: Ուսուցման միջավայրը` մաթեմատիկական կայքեր, դասավանդողի, դասարանի բլոգ, կրթահամալիրի, գրադարանի կայք: Դասավանդողին անհրաժեշտ գործիքներ և նյութեր`նոութբուք կամ նեթբուք, էլեկտրոնային մատյան, անձնական բլոգ, կայք, համակարգչային ծրագրերի և ուսումնական նյութերի փաթեթներ, ձայնագրիչ, ֆոտոխցիկ: Սովորողին անհրաժեշտ գործիքներ և նյութեր` նոութբուք կամ նեթբուք, էլեկտրոնային գրքեր, դասավանդողի կողմից առաջարկված ուսումական նյութերի փաթեթներ, անձնական բլոգ:
3.Ծրագրային նյութի յուրացման կազմակերպումը
Դասերը կազմակերպվում են ըստ ուսումնական պլանով նախատեսված ժամաքանակի և կրթահամալիրյան օրացույցի: Կրթահամալիրում դասերը սկսվում են առավոտյան ընդհանուր պարապմունքով: Սովորողների քանակը` 20-25, որոնց թվում նաև հատուկ կրթությամբ սովորողներ: Դասերը կազմակերպվում են ուսումնական կաբինետում, ընթերցասրահում, բակում և այլ ուսումնական միջավայրում` 45 րոպե տևողությամբ՝ համապատասխան գործիքների, թվային ուսումնական նյութերի օգտագործմամբ: Դասապրոցեսի ընթացքում դասավանդողը կազմակերպում է ծրագրով նախատեսված նյութի, կարողությունների ու հմտությունների յուրացումը:
Դասավանդողը ուսումնական նյութերը, առաջադրանքները, օգտակար տեղեկատվությամբ հոդվածները, ֆիլմերը կամ հղումները տեղադրում է բլոգում, որից օգտվում են սովորողները:
4. Գնահատման համակարգ
- Գնահատումն կատարվում է ամփոփիչ քննության միջոցով:
4-րդ դասարանում լուծվող հիմնական խնդիրներն են՝
· Զարգացնել բնական թվերի հետ թվաբանական գործողություններ կատարելու, դրանց հատկությունները կիրառելու ունակություններ
· Խորացնել գիտելիքները բաժանարարի, բազմապատիկի, մեծություններ մասին
· Գաղափար տալ ամբողջի, մասի, կոտորակի մասին
· Ընդլայնել պատկերացումները երկրաչափական պատկերների մասին
· Գաղափար տալ կոորդիանատային ճառագայթի, անկյան մասին:
Բովանդակություն
4-րդ դասարան
-
Թիվ: Թվի բնութագրումը
- Կարգային միավորներ
- Թվերի ներկայացումը կարգային միավորների գումարի տեսքով
- Թվերի դիրքային գրությունը
- Թվերի ընթերցումը
- Թվերի կցագրումը
- Թվերի համեմատումը
- Թվերի դասավորումը նվազման և աճման կարգով
- Տեքստային բնույթի հետաքրքրաշարժ խնդիրներ
- Մաթեմատիկական վարժանք թեմայի վերաբերյալ ՝բանավոր կերպով
- Թեմայի ամփոփում թեստի կամ մաթեմատիկական խաչբառի միջոցով։
-
Անցածի ամրապնդում
- Թվաբանական գործողություններ՝ գումարում, հանում, բազմապատկում և բաժանում
- Հայտնի գումարելիի և գումարի միջոցով անհայտ գումարելիի որոշում
- Նվազելիի և տարբերության միջոցով հանելիի որոշում
- Տարբերության և հանելիի միջոցով նվազելիի որոշում
- Բաժանելիի և քանորդի միջոցով անհայտ բաժանարարի որոշում
- Արտադրիչի և արտադրյալի միջոցով անհայտ արտադրիչի որոշում
- Տեքստային բնույթի հետաքրքրաշարժ խնդիրներ, որտեղ կկիրառվեն թվաբանական գործողությունների հատկությունները
- Բանավոր հաշվելու եղանակներ
- Մաթեմատիկական վարժանք թեմայի վերաբերյալ ՝ բանավոր կերպով
3.Գործողությունների կատարման կարգը արտահայտության արժեքը հաշվելիս
- Միևնույն կարգի գործողություններ պարունակող արտահայտություններ
- Տարբեր կարգի գործողություններ պարունակող արտահայտություններ
- Փակագծեր պարունակող արտահայտություններ
4.Գումարման և բազմապատկման տեղափոխական հատկությունները
- Գումարման տեղափոխական հատկությունը
- Բազմապատկման տեղափոխական հատկությունը
- Ամփոփիչ և ամրապնդող առաջադրանքներ
5.Գումարման և բազմապատկման զուգորդական հատկությունները
- Գումարման զուգորդական հատկությունը
- Բազմապատկման զուգորդական հատկությունը
- Գումարման հատկությունների համատեղ կիրառումը
- Բազմապատկման հատկությունների համատեղ կիրառումը
- Գումարման ստուգումը հանումով
- Հանման ստուգումը գումարումով
- Ամփոփիչ և ամրապնդող առաջադրանքներ
- Թեմայի ամփոփում թեստի միջոցով։
6. Բազմանիշ թվի բազմապատկումը եռանիշ թվով
- Բաժանում երկնիշ թվի
- Բազմապատկման ստուգումը բաժանումով
- Բաժանման ստուգումը բազմապատկումով
- Անհայտ արտադրիչի գտնելը
- Անհայտ բաժանելիի գտնելը
- Անհայտ բաժանարարի գտնելը
- Կապը թվաբանական գործողությունների միջև
- Ամփոփիչ և ամրապնդող առաջադրանքներ
- Թեմայի ամփոփում թեստի միջոցով։
7. Բաժանում եռանիշ թվի
- Խնդիրներ հեռավորությունը հաշվելու վերաբերյալ
- Բաժանում մնացորդով
- Խնդիրներ մնացորդով բաժանման վերաբերյալ
- Բաժանում 10-ի ,100-ի, 1000-ի ՝ մնացորդով և առանց մնացորդի
- Առաջադրանքներ մնացորդով բաժանման վերաբերյալ
- Թեմայի ամփոփում թեստի միջոցով։
8. Պատիկ և բաժանարար
- 10-ի,100-ի,1000-ի բաժանելիության հայտանիշները
- 5-ի բաժանելիության հայտանիշը
- Զույգ և կենտ թվեր
- 2-ի բաժանելիության հայտանիշը
- Ամփոփիչ և ամրապնդող առաջադրանքներ
9. Անցածի ամրապնդում
- Չափման միավորներ
- Չափման միավորների արտահայտումը մեկը մյուսով
- Չափման միավորների համեմատումը
- Թեմայի ամփոփում թեստի միջոցով։
10.Ճանապարհ, ժամանակ, արագություն
- Տարի: Տարեթիվ
- Ամփոփիչ և ամրապնդող առաջադրանքներ
- Թեմայի ամփոփում թեստի միջոցով։
11.Մաս և ամբողջ
- Թվի մասը գտնելը
- Թվի գտնելը, երբ հայտնի է նրա մասը
- Մասերի համեմատումը
- Կոտորակներ
- Հավասար հայտարար ունեցող կոտորակների համեմատումը
- Հավասար համարիչ ունեցող կոտորակների համեմատումը
- Կանոնավոր և անկանոն կոտորակներ
- Ամփոփիչ և ամրապնդող առաջադրանքներ
- Կոտորակների վերաբերյալ պարզ տեքստային խնդիրներ՝ թվի մասը և թիվը նրա մասի միջոցով գտնելու վերաբերյալ։
- Թեմայի ամփոփում թեստի միջոցով։
12. Անցածի ամրապնդում
Երկրաչափության տարրեր
- Քառակուսի
- Քառակուսու պարագծի և մակերեսի հաշվումը
- Ուղղանկյուն
- Ուղղանկյան պարագծի և մակերեսի հաշվումը
- Խնդիրներ մակերեսի և պարագծի վերաբերյալ
- Թեմայի ամփոփում թեստի միջոցով։
Ծրագիր 4-րդ դասարանցիների համար
Հեռավար ուսուցման ծրագիր
Հեռավար ուսուցումը իրականացվում է հետևյալ կերպ՝ սովորողներին ուղարկվում են ամենօրյա ուսումնական նյութեր, սովորողն էլ նամակագրական կապի միջոցով կապ է հաստատում դասավանդողի հետ: Դասավանդողը ստուգումներ կատարելուց հետո,ուղարկում է սովորողին ճշգրտված պատասխանը: Հարցերի դեպքում դրանց պատասխանները կտրվեն առցանց հարթակում, քննարկումների միջոցով:Սովորողը մշտապես պետք է ուշադրություն դարձնի դասավանդողի բլոգին, որտեղ և կգտնի այն հարցերի պատասխանները, որոնք խնդրահարույց են թվացել :